لاصار طول الصداقـه مالهـا قيمـه
وش عاد نجني من الدنياوماضيهـا
ان جاء رفيقك يدوّر عنـدك الشيمـه
بالك تخيّـب ضنـون ٍ فيـك بانيهـا
أعطه حقوقه وعجّـل لـه بتكريمـه
الحق مثـل الامانـه يـوم توفيهـا
لابد ترحل وتبقـى اذكـارك مقيمه
مهما يطول الزمن فاالنـاس تحييهـا
للغيـر تدويـن ماتفعـل وترقيـمـه
وعمر السوالف يدوم بذكر راعيهـا
ياغافـلٌ بالزمـن هـذي مفاهيـمـه
فيه يتعاقب مطرهـا مـع سوافيهـا
لاتنخـدع بالنعم ومتابـع الغيمـه
كم واحـد ٍ لـو جمعهـامايزكيهـا
كم من غنيٍ (بخيل) يعانـده ضيمـه
يعيش مرالمعيشـه رغـم حاليهـا
وكم من فقيرٍ (كريـم) بدفـع مليمـه
يشعر بلذ المعيشـه رغـم قاسيهـا
وكم من عظيماً( تواضع) رغم تعظيمه
ولأجل(التواضع)يصنف من دوانيهـا
وكم من سفيهٍ(تغطرس) رغم تعليمه
ولاجل (المظاهر) يصنف من عواليها
وكم غاوي ٍ في حياته صعب تفهيمـه
ياكـل ويشـرب ولا همـه معانيهـا
هذا الزمن بيـن تحليلـه وتحريمـه
مثـل المقاديـر ماترحـم مواطيهـا
الكون واسـع وبيـد الله معاصيمـه
والخلق ياكثرها سبحـان محصيهـا
والشخص ماله ولا له عن مقاسيمـه
والروح متعلقـه فـي كـتـف باريهـــا
يامستطيب الكـرى يكفيـك توهيمـه
انهض وشرهة رفيقك باشـره فيهـا
اشمخ بتاج الوفاء واعلن مراسيمـه
النفس عزّز بهـاواحفـظ مباديهـا
وان ماحصل منك للعانـي لوازيمـه
لاواخسارة حياتـك وانـت شاريهـا
عذر الردي مايفيده (زيـن) تقديمـه
والاقنعـه ذاتهـا تكشـف خوافيهـا
لاصار طول الصداقـه مالهـا قيمـه
يقطعـك ياعشـرة ٍ هـذي تواليهـا
(منقول)
